«Ի՞նչ... հեռախոսներս էլ են վերահսկելո՞ւ»

Վերջին օրերին հենց սա են գրում մարդիկ, երբ լսում են IMEI-ների մասին։

Ու եթե անկեղծ՝ շատերը նույնիսկ չգիտեն, որ իրենց հեռախոսն արդեն ունի մի բան, որի միջոցով այն ճանաչվում է բջջային ցանցում։

Դա IMEI-ն է։

15 նիշանոց համար, որը յուրահատուկ է գրեթե յուրաքանչյուր հեռախոսի համար։


Իսկ հիմա ամենահետաքրքիրը...

Հայաստանում ուզում են ներդնել համակարգ, որը կստուգի հեռախոսների IMEI-ները։

Եթե պարզվի, որ հեռախոսի IMEI-ն կեղծ է, կրկնօրինակված է կամ օրինական չի գրանցվել, ապա ապագայում այն կարող է պարզապես չաշխատել հայկական բջջային ցանցերում։

Այսինքն՝

📵Ոչ մի Զանգ։

📵Ոչ մի Մոբայլ ինտերնետ։

📵Ոչ մի SMS։

Հեռախոսը կմնա Wi-Fi-ով աշխատող «փոքր պլանշետ»։


Հիմա մի պահ մտածեք...

Քանի՞ մարդ է Հայաստանում հեռախոս գնել.

  • «ծանոթից»,

  • «շատ էժան էր» տարբերակով,

  • կամ արտասահմանից բերած առանց որևէ փաստաթղթի։

Եթե նման համակարգը ամբողջությամբ գործի, հենց այդ սարքերն են առաջինը հայտնվելու ռիսկային խմբում։


Բայց ամենաշատ տրվող հարցը սա է.

«Իսկ կարո՞ղ են IMEI-ով հետևել ինձ»։

IMEI-ն ինքն իրեն GPS չէ։

Բայց այն սարքի նույնականացման համարն է։

Երբ այն համադրվում է SIM քարտի, օպերատորի և բջջային աշտարակների տվյալների հետ, արդեն հնարավոր է հասկանալ, թե որ սարքն է աշխատել ցանցում։

Սա էլ է պատճառներից մեկը, որ շատերը մտահոգված են այս նախաձեռնությամբ։


Ուշադրություն

Շատերն արդեն գրում են.

«IMEI-ն կփոխեմ, կպրծնեմ»։

Իրականում այդքան հեշտ չէ։

Ժամանակակից ցանցերը կարող են հայտնաբերել կեղծ կամ կրկնօրինակված IMEI-ները, և հենց դրանց դեմ էլ հիմնականում ուղղված է այս համակարգը։


Ամենակարևոր հարցը

Այս նախաձեռնությունը ներկայացվում է որպես պայքար՝

✅ մաքսանենգ հեռախոսների դեմ,

✅ գողացված սարքերի դեմ,

✅ կեղծ IMEI-ների դեմ։

Բայց մարդիկ մեկ ուրիշ հարց էլ են տալիս.

Սա միայն անվտանգության՞ համար է, թե՞ նաև քաղաքացիների նկատմամբ վերահսկողությունն ուժեղացնելու քայլ է։

Դրա պատասխանը, հավանաբար, ժամանակը կտա։


💛 Եթե հոդվածն օգտակար գտար ու կցանկանաս աջակցել հեղինակին հաջորդ հոդվածներ գրելու ճանապարհին, կարող ես փոխանցում կատարել հետևյալ քարտերին։

4083060040319606 Ամերիա Բանկ
460531424 IDRAM

Ամեն աջակցություն մոտիվացիա է շարունակելու


Կիբերանվտանգության Տելեգրամյան ալիք